Ji Bahut Chahta Hai Rone Ko

jī bahut chāhtā hai rone ko

aa.ina āñsuoñ se dhone ko

din kā jaltā safar tamām huā

raat ab kah rahī hai sone ko

ḳhvāb bunñe kā fā.eda kyā hai

vo to honā hai jo hai hone ko

yaad us kī matā-e-jāñ apnī

dīda-e-tar mujhe Dubone ko

pusht par bojh biitī yādoñ kā

zindagī jaise laash Dhone ko

umr ik jā chukī to ye jaanā

ḳhud ko paayā thā maiñ ne khone ko

Leave a Comment