jhuTh ka bolna asan nahin hota hai
dil tire ba.ad pareshan nahin hota hai
sab tire ba.ad yahi puchhte rahte hain mujhe
ab kisi baat pe hairan nahin hota hai
kaise tum bhuul ga.e ho mujhe asani se
ishq men kuchh bhi to asan nahin hota hai
hijr ka za.iqa liije zara dhire dhire
sab ki thali men ye pakvan nahin hota hai
koi kirdar maza deta nahin hai us ka
jis kahani ka tu unvan nahin hota hai
hone ko kya nahin hota hai jahan men lekin
tum se milne ka hi imkan nahin hota hai
Leave a Reply