Sughra Sadaf
jazbon pe jami barf pighal ja.egi ik din
ḳhushbu koi galiyon men machal ja.egi ik din
ankhon men na.i sub.h bikheregi ujale
phir zehn se chimTi hui kal ja.egi ik din
kab tak vo Dara.ega mujhe tirgiyon se
vo raat hai aur raat to Dhal ja.egi ik din
main bhi tumhen ab bhuul hi ja.ungi kisi shaam
dil bahla to ye ziist sanbhal ja.egi ik din
ye ratjage jo tu ne ‘sadaf’ oḌh liye hain
aḳhir ko ye aadat bhi badal ja.egi ik din
Leave a Reply