Arshad Abbas Zaki
jaati nahin hai us ki mahak tak lihaf se
aa.i thi ek baar pari koh-e-qaf se
ankhon men raushni ka samundar umaD paḌa
jaise hi us badan ko nikala ghilaf se
tujh ko kabhi bhi meri zarurat nahin rahi
mayus ho gaya huun main is inkishaf se
tujh se hamen shadid mohabbat hai is liye
karte hain ittifaq tire iḳhtilaf se
ye soch kar bhi chhat ki marammat na ki ‘zaki’
taaza hava to aati rahegi shigaf se
Leave a Reply