Jangalon Mein Justuju-E-Qais-E-Sahrai Karun

jangalon men justuju-e-qais-e-sahrai karun

kab talak DhunDun kahan tak jada-paimai karun

gar koi maane na ho vaan sajda karne ka mujhe

astan-e-yar par barson jabin-sai karun

bazm-e-hasti men nahin juz bekasi apna rafiq

kis ki khatir dosto main mahfil-arai karun

gharat-e-dil ka jo karta hai irada tark-e-chashm

ghamza kahta hai main taraj shakebai karun

le gae jab tere divane ko iisa ne kaha

har ghadi main kya ilaj-e-mard-e-saudai karun

ashna koi nazar aata nahin yaan ai ‘havas’

kis ko main apna anis-e-kunj-e-tanhai karun

Leave a Comment