davar ne bande bandon ne davar bana diya
sagar ne qatre qatron ne sagar bana diya
betabiyon ne dil ki ba-ummid-e-sharh-e-shauq
us jan-navaz ko bhi sitamgar bana diya
pahli si lazzaten nahin ab dard-e-ishq men
kyuun dil ko main ne zulm ka ḳhugar bana diya
kaifiyat-e-shabab se mazur kuchh hue
kuchh ashiqon ne bhi unhen ḳhud-sar bana diya
‘sehr’ us nigah-e-mast pe qurban kyuun na ho
jis ke karam ne zinda qalandar bana diya
Leave a Reply