hava-e-vadi-e-dushvar se nahin rukta
musafir ab tire inkar se nahin rukta
safina chal jo pada hai chadhao par to kabhi
mukhalif aati hui dhaar se nahin rukta
mira khayal hai tadbir koi aur hi kar
hujum ab tiri talvar se nahin rukta
thaharna chahe to thahre ga aap hi varna
hamari koshish-e-bisyar se nahin rukta
ab is ke saath hi bah jaiye ki ye sailab
khas-o-khumar ke ambar se nahin rukta
ravan jo hai safar-e-manzil-e-sada har-chand
ye qafila mire meaar se nahin rukta
ye aise log hain aadat padi hui hai jinhen
ye maal sardi-e-bazar se nahin rukta
musafirat men jo haare na hausla raahi
to lutf-e-saya-e-ashjar se nahin rukta
hamara ishq ravan hai rukavaton men ‘zafar’
ye khvab hai kisi divar se nahin rukta
Leave a Reply