Musavvir Sabzwari
jangal mudafa.at ke halkan ho ga.e hain
sab raste andhiyon ke asan ho ga.e hain
rishton ka bojh Dhona dil dil men kuḌhte rahna
ham ek dusre par ehsan ho ga.e hain
anhken hain sulgi sulgi chehre hain dahke dahke
kin jalti bastiyon ki pahchan ho ga.e hain
logon ka aana jaana ma.amul tha par ab ke
ghar pahle se ziyada sunsan ho ga.e hain
bad-qismati se ham hain in kashtiyon ke varis
jin ke hava se ahd-o-paiman ho ga.e hain
milna bhi pur-takalluf duuri ki dilkashi bhi
ik duuje ke liye ham mehman ho ga.e hain
Leave a Reply