jang jitni ho sake dushvar honi chahiye
jiit hasil ho to lazzat-dar honi chahiye
ek ashiq kal salamat shahr men dekha gaya
ye ḳhabar to surḳhi-e-aḳhbar honi chahiye
kah rahi hai aj-kal ghazlen kisi ke ishq men
vo ki jo ḳhud zinat-e-ash.ar honi chahiye
ishq donon ne kiya tha ḳhud-kushi bas main karun
vo bhi marne ke liye tayyar honi chahiye
dil ki nadani hi bas kaafi nahin hai ishq men
aql bhi thoḌi bahut bimar honi chahiye
pyaar hai to haath us ka thaam apne haath men
jang hai to haath men talvar honi chahiye
Leave a Reply