bujhane men havaon ki shararat kam nahin hoti
magar jalte hue dipak ki shiddat kam nahin hoti
koi ja ke bata de un zara nadan logo ko
lagane se kabhi pahre mohabbat kam nahin hoti
nasha aisa chaḌha ulfat ka teri mujh pe ai hamdam
agar main chaah luun phir bhi mohabbat kam nahin hoti
main suljhati huun ik mushkil to duuji samne aa.e
meri is zindagi se kyuun musibat kam nahin hoti
jidhar dekhun vahin charcha hai mandir aur masjid ka
jahan se sochti huun kyuun jahalat kam nahin hoti
yahi main parashn karti huun akele baiTh kar ‘jyoti’
sabab kya hai zamane se ye nafrat kam nahin hoti
Leave a Reply