Varis Kirmani
jamal-e-nastarani rang-o-bu-e-yasmani
gulon ne siikh liya tum se zauq-e-pairahani
zamana-saz na ho gar buton ki sim-tani
to azm-e-but-shikani bhi hai ain barhamani
savad-e-koh-o-bayaban men sham-e-be-vatni
hamen lubha ke kahan laa.e ahu-e-ḳhutani
hazar rang men pinhan hai arzu-e-hayat
dua-e-nim-shabi ta junun-e-koh-kani
ba-nam-e-daulat-e-husn-o-jamal be-payan
samajh ke kijiye ahl-e-talab ki dil-shikani
majal-e-ah na thi dil ko bazm-e-janan men
ye ehtiyat bhi thi muqtaza-e-gul-badani
vo ranj-e-rah-e-tamanna men yad-e-yar-e-aziz
vo duur bajte hue se rabab-e-anjumani
Leave a Reply