Jam Takrao! Waqt Nazuk Hai

jaam Takrāo! vaqt nāzuk hai

rañg chhalkāo! vaqt nāzuk hai

hasratoñ kī hasīn qabroñ par

phuul barsāo! vaqt nāzuk hai

ik fareb aur zindagī ke liye

haath phailāo! vaqt nāzuk hai

rañg uḌne lagā hai phūloñ kā

ab to aa jaao! vaqt nāzuk hai

tishnagī tishnagī! are tauba

zulf lahrāo! vaqt nāzuk hai

bazm-e-‘sāġhar’ hai gosh-bar-āvāz

kuchh to farmāo! vaqt nāzuk hai

Leave a Comment