jaam la jaam ki alam se ji darta hai
asar-e-gardish-e-ayyam se ji darta hai
lab pe ab ariz-o-gesu ke fasane kya hon
fitnaha-e-sahar-o-sham se ji darta hai
tujh ko main dhundhta phirta huun dar-o-bam se duur
ab tajalli-e-dar-o-bam se ji darta hai
gul khilae na kahin fitna-e-dauran kuchh aur
aj-kal daur-e-mai-o-jam se ji darta hai
nigah-e-mast ke qurban miri samt na dekh
mauja-e-bada-e-gulfam se ji darta hai
chhoḌ kar raah men but-ḳhane guzar jaata huun
hosh men jalva-e-asnam se ji darta hai
raat ki zulmaten baḌhti hi chali jaati hain
‘aḳhtar’ apna to sar-e-sham se ji darta hai
Leave a Reply