Jalwa Dikhlati Hai Wahshat Gardish-E-Taqdir Ka

jalva dikhlātī hai vahshat gardish-e-taqdīr kā

shola-e-javvāla halqa hai mirī zanjīr kā

kaam ma.anī se nahīñ sūrat-parastī ke sivā

ḳhat-e-ruḳhsār-e-butāñ ḳhat hai mirī taqdīr kā

ishq meñ had nā-tavāñ huuñ mānī-o-bahzād se

uTh nahīñ saktā kabhū ḳhāka mirī tasvīr kā

‘faiz’ vasf-e-mus.haf-e-ruḳhsār meñ yaañ tak huuñ mahv

hai mire dīvān par dhokā mujhe tafsīr kā

Leave a Comment