Poet
jalti hui zamin ki nigahen taras ga.iin
ja kar samundaron pe ghaTa.en baras ga.iin
Thahre na pag havaon ke tapti zamin par
shabnam-sifat jo aa.iin to sho.ala-nafas ga.iin
shadab vadiyan thiin jahan ab vahan hain dasht
sarsar ki naginen ghane peḌon ko Das ga.iin
phaila hua hai pyaas ka sahra nigah men
amrit bhari ghaTaon ko ankhen taras ga.iin
ḳhali hai ab makan ki ḳhvahish ki suraten
agli mohabbaton ke mazaron men bas ga.iin
dilkash bahut thi aag thi jab tak paḌos men
phaili jo apne ghar men umiden jhulas ga.iin
‘shahid’ unhi men thi vo jise chahta huun main
mujh par jo laḌkiyan sar-e-bazar hans ga.iin
Leave a Reply