us ke gulabi honT to ras men base lage
lekin badan ke za.iqe be-kaif se lage
TuuTe qadam qadam pe jo apni lachak ke saath
vo daldalon men zaat ki mujh ko phanse lage
tamsil ban ga.e hain samundar ki jhaag ki
sahra-e-gham ki raakh men jo bhi dhanse lage
jin ka yaqin rah-e-sukun ki asaas hai
vo bhi guman-e-dasht men mujh ko phanse lage
ham le ke be-amani ko jangal men aa ga.e
dil ko jo shahr-e-ḳhuban men kuchh vasvase lage
Leave a Reply