Jazib Quraishi
jala huun dhuup men ik shahr-e-rang-o-bu ke liye
mili hai tishna-labi sair-e-ab-e-ju ke liye
tire badan ki mahak ajnabi sahi lekin
mire qarib se guzri hai guftugu ke liye
junun ka paas vafa ka ḳhayal husn ka gham
ka.i charagh jale ek aarzu ke liye
na ansuon ke sitare na qahqahon ke gulab
koi to jashn karo apne mah-ru ke liye
na.e saval na.e tajarbe na.e chehre
hazar moḌ hain ik meri justuju ke liye
Leave a Reply