ye roz o shab ka tasalsul ravan-davan hi raha
ye gham-rasidon ki taqdir men ziyan hi raha
tiri zaban thi mire vaste pa dil kahin aur
tiri ravish ka ye andaz darmiyan hi raha
uTha.e phirte rahe ham ye dard ki gaThri
magar ye dard-e-mohabbat ki be-aman hi raha
jab aa.i raat umanD aa.e yaad ke jugnu
phir us ke ba.ad to ik jashn ka saman hi raha
bahut dinon men ye taḳhliq ki phuvar paḌi
main ḳhauf-e-jahl-e-murakkab se be-zaban hi raha
mire lahu men bhi utren kabhi na.e mausam
ye aarzu rahi meri mira guman hi raha
kuchh aaise daur bhi taham giraft men aa.e
ki ye zamin rahi baaqi na asaman hi raha
Leave a Reply