ḳhush-amdid kahta gulon ka jahan tha
ik dasht-e-be-aman magar darmiyan tha
meri barhana pusht thi koḌon se sabz o surḳh
gore badan pe us ke bhi niila nishan tha
kis ḳhema-e-malal men raten basar huiin
kis gham-kade pe mehrban na-mehrban tha
raushan alaao hote hi aaya tarang men
vo qissa-go ḳhud apne men ik dastan tha
is samt girya-zari o kafur ki mahak
us samt ḳhush-libasi thi aur itr-dan tha
Leave a Reply