Farah Iqbal
jaise khushiyon men gham nahin hote
aag paani baham nahin hote
muddaton ham qarib rahte hain
fasle phir bhi kam nahin hote
zindagi bhar ke saath men aksar
ham-safar ham-qadam nahin hote
sanehe dil pe jo guzarte hain
sab ke sab to raqam nahin hote
puuja hoti hai zindagi bhar ki
chaar din ke sanam nahin hote
jo kabhi mujh pe doston ke the
ab vo lutf-o-karam nahin hote
Leave a Reply