zaron se Dariye phuliye zar par na zor par
kiije nigah hal-e-sulaiman-o-mor par
rok apne nafs-e-bad ko ki hasil hai iḳhtiyar
bimar par hakim ko hakim ko chor par
ho aabru baḌhani to ye kah ab bahr ko
milta mula.emat se hai kis zor-o-shor par
ik umr se vazifa hai sahab ke naam ka
naḳhun ke ḳhat hain ungliyon ke por por par
nargis ke chashm-e-bad ka hai nahaq tumhen ḳhayal
ilzam bad-nigahi ka tohmat hai kor par
paanv apna mere siine pe rakh diije ek baar
ik laat bhi to mariye hatim ki gor par
ulfat men dil umaDte hi sar tan se uḌ gaya
sar-posh josh-e-mai se na Thahra maThor par
kal tak jo sham-e-mahfil-e-aish-o-nishat the
jalta nahin charagh hai aaj un ki gor par
bulbul se ham ne laḌke kiya sirr-e-ishq faash
vaqif hazar the to khula ab karor par
hote ho baagh men jo ghazal-ḳhvan tum ai ‘nasim’
ḳhanda gulon ko aata hai bulbul ke shor par
Leave a Reply