aate rahte hain falak se bhi ishare kuchh na kuchh
baat kar lete hain ham se chand taare kuchh na kuchh
ek kafir ki masihai ke dast-e-faiz se
mil rahe hain zakhm ke donon kinare kuchh na kuchh
rang har dimak-zada tasvir men bharte rahe
ik tasalli ke liye hijran ke maare kuchh na kuchh
ik purana khat kai phulon ki sukhi pattiyan
is bayaz-e-zindagi men hain sahare kuchh na kuchh
hai vahi qamat vahi manus se naqsh-o-nigar
aisa lagta hai kabhi vo the hamare kuchh na kuchh
vaqt ke be-rahm sannaton men bahti zindagi
hai sada ki muntazir koi pukare kuchh na kuchh
Leave a Reply