Jahan Mein Abhi Yun to Kya Kya Na Hoga

jahāñ meñ abhī yuuñ to kyā kyā na hogā

zamīñ par koī tum sā paidā na hogā

sharāb-e-mohabbat ko ai zāhido tum

burā gar kahoge to achchhā na hogā

sar-e-bazm dushnām dushman ko de kar

mujhe tum ne kyā dil meñ kosā na hogā

mirī be-qarārī ko kyā dekhte ho

kabhī barq ko tum ne dekhā na hogā

‘nasīm’ aur kuchh fikr kiije ḳhudārā

ab is naukrī meñ guzārā na hogā

Leave a Comment