Poet
jahan-e-tang men tanha hua main
bahut achchha hua rusva hua main
miri ankhon ka pahchana hua tu
nigah-e-dahr ka dekha hua main
ubhar aa.i hava ki mauj sar men
harif-e-mauja-e-dariya hua main
jabin-e-ab ki tahrir duniya
huruf-e-sang se likkha hua main
fana ke haath men meri baqa hai
ḳhud apni ḳhaak se paida hua main
hui vabasta mujh se tursh-rui
ki nashsha huun magar utra hua main
chhupa huun aaj tak us ki nazar se
zamane bhar pe a.ina hua main
Leave a Reply