Jadugar

jab mera ji chahe main jaadu ke khel dikha sakta huun

andhi ban kar chal sakta huun badal ban kar chha sakta huun

haath ke ek ishare se paani men aag laga sakta huun

raakh ke Dher se taaza rangon vaale phuul uga sakta huun

itne unche asaman ke taare tod ke la sakta huun

meri umr to bas aaise hi khel dikhate guzri hai

apni saans ke shoalon se gulzar khilate guzri hai

jhuti sachchi baton ke bazar sajate guzri hai

patthar ki divaron ko sangit sunate guzri hai

apne dard ko duniya ki nazron se chhupate guzri hai

Leave a Comment