abu-mohammad-sahar

Jab Ye Dawe The Ki Har Dukh Ka Mudawa Ho Gae

jab ye daave the ki har dukh ka mudava ho gae

kis liye tum bais-e-khun-e-tamanna ho gae

shauq ka anjam nikla hasrat-e-aghaz-e-shauq

raaz ban jaane se pahle raaz ifsha ho gae

ik nigah-e-ashna ka aasra jaata raha

aaj ham tanhaiyon men aur tanha ho gae

tera milna aur bichhadna kya kahen kis se kahen

ek jan-e-na-tavan par zulm kya kya ho gae

More Poems

Leave a Comment