Jab Wo Hans Hans Ke Baat Karte Hain

jab vo hañs hañs ke baat karte haiñ

dil ko kyā kyā gumāñ guzarte haiñ

ye mohabbat kī rahguzar hai yahāñ

log bach bach ke paañv dharte haiñ

husn hotā hai ishq kī tasvīr

aise lamhe bhī kuchh guzarte haiñ

araq-ālūd chehra-e-rañgīñ

jaise shabnam se gul nikharte haiñ

ba.ad-e-hastī musāfirān-e-adam

kaun jaane kahāñ Thaharte haiñ

Leave a Comment