Jab Uski Zulf Mein Pahla Safed Baal Aaya

jab us kī zulf meñ pahlā safed baal aayā

tab us ko pahlī mulāqāt kā ḳhayāl aayā

vo jis kā zikr ham itnī ḳhushī se karte haiñ

vahī to umr meñ sab se udaas saal aayā

bahut dinoñ se maiñ zindoñ meñ thā na murdoñ meñ

ġhazal huī to mire dasht meñ ġhazāl aayā

ziyāda-tar to ham apnī hī ḳhaak uḌāte rahe

tumhārā ruup to she.roñ meñ ḳhaal ḳhaal aayā

Leave a Comment