Jab Se Wo Dur Ho Gaya Mujhse

jab se vo duur ho gayā mujh se

kho gayā merā hī pata mujh se

merā nuqsān har tarah se hai

māñgtā hai vo mashvara mujh se

kyā mirī ahmiyat baḌhī hai idhar

shahr meñ kyuuñ haiñ sab ḳhafā mujh se

aur kuchh ruḳh nikālne ke liye

sunñā chāhegā vāqi.a mujh se

merī duniyā mirā jahān hai vo

jis kī duniyā hai kuchh judā mujh se

haa.e kis phuul kī ye ḳhushbū hai

pūchhtī rah ga.ī ‘sabā’ mujh se

Leave a Comment