jab se vo duur ho gaya mujh se
kho gaya mera hi pata mujh se
mera nuqsan har tarah se hai
mangta hai vo mashvara mujh se
kya miri ahmiyat baḌhi hai idhar
shahr men kyuun hain sab ḳhafa mujh se
aur kuchh ruḳh nikalne ke liye
sunna chahega vaqi.a mujh se
meri duniya mira jahan hai vo
jis ki duniya hai kuchh juda mujh se
haa.e kis phuul ki ye ḳhushbu hai
puchhti rah ga.i ‘saba’ mujh se
Leave a Reply