Ali Sajid
jab mire nazdik suraj men kami paida hui
phir andheron ke shahar men raushni paida hui
jab sada-e-kun laga kar vo zara farigh hua
phir ḳhuda ki shaan men ye sha.iri paida hui
main ne lafzon ko pila.i hai tiri jhuTi sharab
tab kahin ghazlon men apni chashni paida hui
do musafir phand baiThe ajnabiyyat ka mazar
dekhte hi dekhte phir dosti paida hui
mera rishta kuchh na tha vahshat tire ajdad se
phir mire ghar kyon ye laila si pari paida hui
Leave a Reply