allama-iqbal

Jab Ishq Sikhata Hai Aadab-E-Khud-Agahi

jab ishq sikhata hai adab-e-khud-agahi

khulte hain ghulamon par asrar-e-shahanshahi

‘attar’ ho ‘rumi’ ho ‘razi’ ho ‘ghazali’ ho

kuchh haath nahin aata be-ah-e-sahar-gahi

naumid na ho in se ai rahbar-e-farzana

kam-kosh to hain lekin be-zauq nahin raahi

ai tair-e-lahuti us rizq se maut achchhi

jis rizq se aati ho parvaz men kotahi

daara o sikandar se vo mard-e-faqir aula

ho jis ki faqiri men bu-e-asadul-lahai

ain-e-javan-mardan haq-goi o be-baki

allah ke sheron ko aati nahin rubahi

More Poems

Leave a Comment