jab dil men tire gham ne hasrat ki bina Daali
duniya miri rahat ki qismat ne miTa Daali
ab barq-e-nasheman ko har shaḳh se kya matlab
jis shaḳh ko taaka tha vo shaḳh jala Daali
iz.har-e-mohabbat ki hasrat ko ḳhuda samjhe
ham ne ye kahani bhi sau baar suna Daali
jiine bhi nahin dete marne bhi nahin dete
kya tum ne mohabbat ki har rasm uTha Daali
jiine men na ab ‘fani’ marne men shumar apna
matam ki bisat us ne kya kah ke uTha Daali
Leave a Reply