jab dard mohabbat ka mire paas nahin tha
main kaun huun kya huun mujhe ehsas nahin tha
TuuTa mira har ḳhvab hua jab se juda vo
itna to kabhi dil mira be-as nahin tha
aaya jo mire paas mire honT bhigone
vo ret ka dariya tha miri pyaas nahin tha
baiTha huun main tanha.i ko siine se laga ke
is haal men jiina to mujhe raas nahin tha
kab jaan saka dard mira dekhne vaala
chehra mire halat ka akkas nahin tha
kyuun zahr bana us ka tabassum mere haq men
ai ‘naqsh’ vo ik dost tha almas nahin tha
Leave a Reply