Mehdi Baqar Khan Meraj
jab bhi a.ine saaf hote hain
kuchh na.e inkishaf hote hain
be-gunahi hi jurm ho jin ka
log vo kab muaaf hote hain
raqs karti hai bandagi vaa.iz
ham jo mahv-e-tavaf hote hain
saari duniya ḳhilaf lagti hai
jab vo mere ḳhilaf hote hain
ab chhupane ki bhi zarurat kya
ab to chehre ghilaf hote hain
kuchh to nazren jhukao ai ‘meraj’
yuun kahin e’tiraf hote hain
Leave a Reply