jab azm ke sho.alon ko himmat ne hava di hai
tufan ne hi sahil ki tasvir dikha di hai
sho.alon se gila kaisa bijli se shikayat kya
gulshan ke nigahban ne har shaḳh jala di hai
chaha tha karen un se kuchh shikva-e-be-mehri
lab hilne se pahle hi saugand khila di hai
ik vo bhi hain marte hain jo nang-e-vafa ban kar
har vaar pe ham ne to qatil ko dua di hai
kaanp uTTha hai jaane kyuun har tar-e-nafas ‘sumbul’
jab mere buzurgon ne jiine ki dua di hai
Leave a Reply