jaane valon ke liye tu aur kya le ja.ega
dekh le duniya jahan tak rasta le ja.ega
ḳhvahish-e-guftar rah ja.egi phir zer-e-zaban
izn to de dega lekin hausla le ja.ega
guunj ban kar lauT ja.egi miri fariyad bhi
shab ka sannaTa kahan meri sada le ja.ega
dil se miT ja.ega ik din dekhne milne ka shauq
jitne manzar hain vo ankhon men saja le ja.ega
lutf phir aa.ega kya sayyahi-e-dil men ‘nasim’
is khanDar se jo milega vo uTha le ja.ega
Leave a Reply