Basheer Dada
jaane kyuun ruuh tan-badan men nahin
aaj main apne pairahan men nahin
char-din bhi vo chandni na rahi
aaj saa.e bhi anjuman men nahin
ab sabhi ajnabi se lagte hain
aisa lagta hai main vatan men nahin
ab na ah-e-jigar men soz raha
aur vo dard bhi ghuTan men nahin
gul-e-shahkar chhoḌ de uljhan
ab mira zikr bhi chaman men nahin
ab pahan lo bashir ḳhamoshi
ab vo jaadu tire suḳhan men nahin
Leave a Reply