Noman Farooq
jaane kyuun pyaas ki chaukhaT pe vo aa baiTha hai
main ne har gaam naya abr jise baḳhsha hai
ek lamhe ko bhi muḌ ke nahin dekha us ne
jaane vaale ko bahut duur talak dekha hai
ḳhaak se paak libadon ki mahak aati hai
qafila dasht ke angan men khila kis ka hai
mo.ajiza us ko hi kahti hai ye duniya shayad
mujh ko ummid na thi par vo palaT aaya hai
ik nazar main ne jise pyaar se dekha ‘noman’
vo parinda miri dahliz pe aa baiTha hai
Leave a Reply