Jaane Kis Ki aahaT Ka Intizar Karta Hai

jaane kis kī aahaT kā intizār kartā hai

TuuT to chukā hai vo dekho kab bikhartā hai

zaḳhm chāhe jaisā ho ek din to bhartā hai

aap so.e hote haiñ vaqt kaam kartā hai

roz chhup ke taktā hai pyāsī pyāsī nazroñ se

us ke ghar ke aage se dariyā jab guzartā hai

dil kā kyā karūñ yaaro māntā nahīñ merī

apne dil kī suntā hai apne man kī kartā hai

dil bujhā bujhā ho to kyā burā hai rone meñ

bārishoñ ke ba.ad anjum āsmāñ nikhartā hai

Leave a Comment