arzuon ka nagar chhoḌ aa.e
naaz tha jis pe vo ghar chhoḌ aa.e
ik tiri yaad bacha kar rakh li
saara saman-e-safar chhoḌ aa.e
muddaton yaad rakhegi duniya
ham bhi ik aisa hunar chhoḌ aa.e
ghar ke bahar bhi udasi na ga.i
ghar se ghabra ke jo ghar chhoḌ aa.e
thak ga.e jab koi khiḌki na khuli
ham vahin dida-e-tar chhoḌ aa.e
us ko aate hi banegi ‘rahmat’
aaj ik aisi ḳhabar chhoḌ aa.e
Leave a Reply