jaane kahan the aur chale the kahan se ham
bedar ho gae kisi khvab-e-giran se ham
ai nau-bahar-e-naz tiri nikhaton ki khair
daman jhatak ke nikle tire gulsitan se ham
pindar-e-ashiqi ki amanat hai ah-e-sard
ye tiir aaj chhod rahe hain kaman se ham
aao ghubar-e-rah men dhunden shamim-e-naz
aao khabar bahar ki puchhen khizan se ham
akhir dua karen bhi to kis muddaa ke saath
kaise zamin ki baat kahen asman se ham
Leave a Reply