Syed Zamin Abbas Kazmi
jaane kab tak qatar men rahenge
ham tire intizar men rahenge
tum isi baagh men rahoge sada
ham isi ḳharzar men rahenge
ham bichhaḌne ke ba.ad bhi shayad
aap ke iḳhtiyar men rahenge
kitne manzar dikha.i denge hamen
aur kitne ghubar men rahenge
haal tafsil se batate hue
koshish-e-iḳhtisar men rahenge
sher sattar hazar kah Daale
ek do to shumar men rahenge
ik tanaza khaḌa karenge naya
aur phir ishtihar men rahenge
Leave a Reply