Poet
jaan ik but pe fida karte ho kya karte ho
phir bhi ummid-e-vafa karte ho kya karte ho
ham se paiman-e-vafa karte ho kya karte ho
tark dastur-e-vafa karte ho kya karte ho
va.ada karte ho vafa karte ho kya karte ho
jurm-e-qanun-e-jafa karte ho kya karte ho
kar ke kaunain ko zanjiri-e-gesu-e-daraz
zulf-e-pechan ko duta karte ho kya karte ho
ḳhaak men ham ko milaya to bahut ḳhuub kiya
ab pasheman hua karte ho kya karte ho
ham ko ḳhud kar ke giraftar-e-bala hazrat-e-dil
ab ye kahte ho bura karte ho kya karte ho
ghar jo zindan hai to virana bana deta tha
dar-o-divar taka karte ho kya karte ho
ḳhun-e-dil ashkon se bola ye umanD kar kal raat
aap hi aap baha karte ho kya karte ho
pairahan jo ki gareban hi raha aur na jeb
is ko baiThe jo siya karte ho kya karte ho
Leave a Reply