apne janan ko ai jaan isi jaan men DhunDh
DhunDh mat aur jagah par dil-e-hairan men DhunDh
DhunDhna us ka bahut sahl bataya hai faqir
jaan men apni use lunga main ik aan men DhunDh
jis taraf dekho usi ka hai jhamkaḌa vallah
talib allah ka leta hai har ik shaan men DhunDh
chahne vaale ka ḳhud aap chahita hai vo
mah-e-kan.an ko liya tha chah-e-kan.an men DhunDh
zahira dekh suḳhan-fahm suḳhan ‘afridi’
ghair-maḳhluq suḳhan ma.ani-e-qur.an men DhunDh
Leave a Reply