jaan di un pe mar-mite siske
hain hasin log ashna kis ke
un ko sikhlai ham ne araish
ruuh phunki hai shakhsh-e-be-his ke
naale pahunche gharib ke ta-arsh
bach gae danke mard-e-muflis ke
rakh ke khanjar gale pe kahta hai
maar daala agar zara khiske
bazm men ja mili rafiqon ko
kante boe hain baagh men bis ke
kya bataen ki kis ke ashiq hain
vo nazar aae to kahen is ke
naala kar kar ke dil hua khamosh
rah gaya hai pa phoda ris ris ke
koi kaabe gaya haram ko koi
bande dargah apne ghar ghis ke
gesu-e-yar agar hai dam-e-bala
khal-e-mushkin bhi kanten hain bis ke
chhoda piiri men ruuh ne tan-e-zar
jaama utra badan se ghis pis ke
dida-e-surma-sa ki ulfat men
‘muntahi’ khaak ho gae pis ke