itni shiddat se gale mujh ko lagaya hua hai
aisa lagta hai ki vaqt aḳhiri aaya hua hai
kyuun na is baat pe ho jaa.en ye ankhen pagal
niind bhi utri hui ḳhvab bhi aaya hua hai
ab ke holi pe laga rang utarta hi nahin
kis ne is baar hamen rang lagaya hua hai
sochta huun ki use ḳhud ko main in.aam karun
ek laḌki ne tira bhes banaya hua hai
aankh men beTi ke aaya tha magar dekho ‘ziya’
ek aansu ne hamen kitna rulaya hua hai
Leave a Reply