itne tanha hain ki ab phirte hain ham dhupon men
saath saaya ho to kuchh baat karen raston men
ai bahar is ko na de saya-e-gul men avaz
hai hava-e-chamani uḌte hue patton men
tu dikhani nahin deta to shikayat kaisi
teri avaz to aati hai miri sanson men
mera chehra kisi ujḌe hue ghar ki surat
aur dhuan bujhte charaghon ka miri ankhon men
aa dikha.un tujhe main apna gulistan pyare
kis qadar phulon ke chehre hain mire zaḳhmon men
kyuun miTa di hai bana kar miri hiire ki lakir
sang Dhona hi jo likkha tha mire hathon men
ai peshawar main musafir to nahin huun lekin
sar jhuka.e hue phirta huun tiri galiyon men
kab tiri aankh men thi karb ki ye lo ‘hashami’
thi kahan choT ki avaz tiri baton men
Leave a Reply