itne aansu to na the dida-e-tar ke aage
ab to paani hi bhara rahta hai ghar ke aage
dam-ba-dam mujh ko tasavvur hai usi dilbar ka
raat din phirta hai meri vo nazar ke aage
hain ye ai jaan mire dil se mujhe apne aziiz
tere daghon ko main rakhta huun jigar ke aage
garmi apni ko faramosh karen mahr-vishan
sard ho jaaen sab us rashk-e-qamar ke aage
bad-e-tundi se miyan teri mujhe hairat hai
kyunki rakhta hai tapanchon ko kamar ke aage
tere danton se main tashbih na duun gauhar ko
puut ko qadr nahin silk-e-guhar ke aage
zor se kaam nikalta nahin be zar ke diye
zar bhi harba hai tira ek bashar ke aage
zar agar barsar-e-faulad nahin narm shuad
zor ka zor dhara rahta hai zar ke aage
kis ko kahta hai miyan yaan se sarak yaan se sarak
koi baitha nahin aa kar tire dar ke aage
ye to majlis hai jahan baith gae baith gae
kyuun jagah badle koi kaahe ko sarke aage
ab kahan jaae ‘hasan’ hathon se tere zalim
rakh liya tu ne use tegh-o-sipar ke aage
Leave a Reply