Itna Batla Mujhe Harjai Hun Main Yar Ki Tu

itna batla mujhe harjai huun main yaar ki tu

main har ik shakhs se rakhta huun sarokar ki tu

kam-sabati miri har dam hai mukhatib ba-habab

dekhen to pahle ham us bahr se hon paar ki tu

na-tavani miri gulshan men ye hi bahse hai

dekhen ai nikhat-e-gul ham hain subuk-bar ki tu

dosti kar ke jo dushman hua tu ‘jurat’ ka

bevafa vo hai phir ai shokh sitamgar ki tu

Leave a Comment