Azeem Haider Syed
isi liye to haar ka hua nahin malal tak
vo mere saath saath tha uruuj se zaval tak
nahin hai sahl is qadar ki ji sake har ek shaḳhs
bala-e-hijr ki ruton se mausam-e-visal tak
hamari kisht-e-arzu ye dhuup kya jala.egi
tumhara intizar ham karenge barshgal tak
amiiq zaḳhm is qadar ba-dast-e-roz-o-shab mile
ki mundamil na kar saki dava-e-mah-o-sal tak
quba-e-zard-o-surḳh ka ye imtizaj al-aman
jamal ko vo le gaya pare had-e-kamal tak
Leave a Reply